مائیکروسوفٹ نے اعلان کیا ہے کہ تحریر سے آوازاورتصاویر کیساتھ ویڈیو بنانے والا حیرت انگیز ’‘ جی پی ٹی فور ’’ٹول آئندہ ہفتے پیش کیا جائے گا۔
غیر ملکی میڈیا رپورٹس کے مطابق فی الحال چیٹ جی پی ٹی صرف ٹیکسٹ کے بدلے بہت ہی مناسب معلومات، تجزیہ اور مشورے دیتا ہے، اورساتھ میں یہ مضمون لکھ سکتا ہے، شاعری اور مضامین تخلیق کرتا ہے۔
جرمنی میں مائیکروسوفٹ کے چیف ٹیکنالوجی آفیسر، اینڈریاس براؤن نے ایک تقریب میں کہا ہے کہ جلد اس کا چوتھا ورژن پیش کیا جائے گا جو لکھے الفاظ سے ویڈیو بھی تخلیق کرسکے گا،جی پی ٹی فور میں زبان (لینگویج) کا بہت بڑا ماڈل بنایا گیا ہے جو ہمارے لیے حیرت انگیز ڈجیٹل تخلیقات کا ایک ڈھیر لگادے گا۔
مائیکروسوفٹ کے مطابق جی پی ٹی فور ’کثیرجہتی ماڈل‘ ہے جو ٹیکسٹ کو موسیقی اور تصاویر میں ڈھال سکے گا۔ اس کا اہم استعمال خود مائیکروسوفٹ نے بتایا کہ کسی کال سینٹر یا دفتر میں صارفین اور عملے کے درمیان فون کالز کو ازخود ٹیکسٹ میں بدلنا ممکن ہوگا۔ پھر اس ٹیکسٹ کو محفوظ کرکے ڈیٹا بیس بنانے، ریکارڈ رکھنے اور فیصلہ سازی میں آسانی ہوگی۔
رپورٹس کے مطابق دلچسپ بات یہ ہے کہ مائیکروسوفٹ نے اپنے براؤزر ’بِنگ‘ میں چیٹ جی پی ٹی کا بار بار اعلان کیا ہے اور تاحال اسے بِنگ میں شامل نہیں کیا گیا، اوریہی وجہ ہے کہ تجزیہ کاروں نے چیٹ جی پی ٹو فور کے متعلق شبہات کا اظہار کیا ہے۔
یاد رہے کہ 2022 میں فیس بک کی مرکزی کمپنی نے میٹا نے بھی ’میک اے ویڈیو‘ نامی ٹول پیش کیا تھا جو چھوٹی تفصیلات تحریر کرنے پر غیرحقیقت سے قریب ویڈیو بناتا تھا اور غالباً جی پی ٹی فور بھی کچھ اسی طرح کام کرے گا۔
