گزشتہ ہفتے ترکیہ میں آنے والے زلزلے میں معروف ترک سیریز کورولش عثمان کے اہم اداکار اہلیہ سمیت ملبے تلے دب کر انتقال کرگئے۔
حال ہی میں پروڈکشن کمپنی بوزداغ فلم کی جانب سے انسٹاگرام پر جاگدس اور ان کی موسیقار اہلیہ زلان کی موت کی تصدیق کی گئی ہے۔
انسٹاگرام پوسٹ میں دونوں کی تصویر شیئر کی گئی ہے اور کیپشن میں لکھا ہے کہ اداکار جاگدس جانکایا اہلیہ سمیت ترکیہ میں آنے والے زلزلے کے ملبے تلے دب کر انتقال کر گئے ہیں۔
ترک اداکار جاگدس جانکایا نے اسلامی فتوحات پر مبنی ڈرامہ سیریز ‘کورولش عثمان’ میں قونیہ محل کے ایک اہم سپاہی کا کردار نبھایا تھا۔
واضح رہے کہ ترکیہ اور شام میں 6 فروری کو آنے والے زلزلے سے ترکیہ میں 29 ہزار 605 اور شام میں 4 ہزار 500 اموات ہوئی ہیں۔