لندن : برطانیہ میں زیر تعلیم پاکستانی طالبہ ملالہ یوسفزئی اور امریکہ میں مقیم لبنانی اداکارہ میا خلیفہ میں دوستی ہوگئی۔
ملالہ یوسفزئی نے ٹک ٹاک پر مادری زبان کے عالمی دن کے موقع پر ایک ویڈیو شیئر کی جس میں انہوں نے بتایا کہ وہ پشتو، اردو اور انگریزی سمیت چار زبانیں بول لیتی ہیں۔
ان کی اس ویڈیو کو ٹک ٹاک پر بہت زیادہ پسند کیا گیا۔ ٹک ٹاک پر اس ویڈیو کو اب تک 16 لاکھ سے زائد لوگ دیکھ چکے ہیں۔
ملالہ کی اسی ویڈیو پر تبصرہ کرتے ہوئے میا خلیفہ نے انہیں ’کوئین‘ قرار دیا۔ اس کے جواب میں ملالہ یوسفزئی نے لبنانی اداکارہ کو ’ پکی سہیلی‘ کہا۔
میا خلیفہ اورملالہ یوسفزئی کے درمیان ٹک ٹاک پر ہونے والے کمنٹس کا یہ تبادلہ سوشل میڈیا پر وائرل ہوچکا ہے اور لوگ بڑی تعداد میں اس کے سکرین شاٹ شیئر کر رہے ہیں۔
اب تک میا خلیفہ کےملالہ کی تعریف میں کیے گئے کمنٹ کو 30 ہزار جبکہ ملالہ کے جوابی تبصرے کو ساڑھے 23 ہزار کے قریب لوگ لائک کرچکے ہیں۔