اسلام آباد : توہین عدالت کیس میں پی ٹی آئی چیئرمین عمران خان کی پیشی سے متعلق سرکلرجاری کردیا گیا۔
تفصیلات کے مطابق اسلام آباد ہائی کورٹ نے توہین عدالت کیس میں عمران خان کی عدالت پیشی سے متعلق سرکلر جاری کردیا۔
رجسٹرار اسلام آباد ہائی کورٹ نے سماعت کے دوران ضابطہ اخلاق کا سرکلر جاری کردیا۔
سرکلر میں کہا گیا ہے کہ کمرہ عدالت نمبرایک میں انٹری رجسٹرارآفس کےجاری کردہ پاس سےمشروط ہو گی۔
اسلام آباد ہائی کورٹ کی جانب سے سرکلر میں کہنا ہے کہ عمران خان کی لیگل ٹیم کے 15وکلا کمرہ عدالت میں موجود ہو سکیں گے جبکہ اٹارنی جنرل آفس اورایڈووکیٹ جنرل آفس سے 15لاافسران کواجازت ہو گی۔
3عدالتی معاونین ، 15کورٹ رپورٹرز ، ہائی کورٹ اور ڈسٹرکٹ بار کے 5،5 وکلا کو کمرہ عدالت جانےکی اجازت ہوگی۔
اسلام آبادہائیکورٹ جرنلسٹس ایسوسی ایشن کو بھی 15صحافیوں کی لسٹ جمع کرانےکی ہدایت کردی گئی ہے ، لسٹوں کی فراہمی کے بعد اسلام آبادہائی کورٹ کارجسٹرارآفس پاس جاری کرے گا۔
سرکلر میں کہا ہے کہ کورٹ ڈیکورم کو برقرار رکھنے کیلئے اسلام آباد انتظامیہ ، پولیس سیکیورٹی انتظامات کرے،
لارجر بنچ 22 ستمبر کو دن اڑھائی بجے کیس کی سماعت کرے گا۔