لاہور: پاکستان تحریک انصاف کے مرکزی رہنما فواد چوہدری نے کہا ہے کہ عدالت نے جو بیان حلفی لیا پی ٹی آئی اُس سے اتفاق نہیں کرتی، اسمبلیاں ایک دو دن یا ہفتے کے اندر ہر صورت تحلیل ہوں گی۔
لاہور ہائی کورٹ کے باہر میڈیا سے گفتگو کرتے ہوئے فواد چوہدری نے کہا کہ عدالت میں ہمارا مؤقف درست ثابت ہوا اور لاہور ہائیکورٹ نے گورنر کا وزیراعلیٰ کو ڈی نوٹیفائی کرنے کا حکم نامہ معطل کردیا،
عدالتی فیصلے کے مطابق گورنر مس کنڈیکٹ کے مرتکب ہوئے۔
انہوں نے کہا کہ امید ہے چیف سیکریٹری آکر بتائیں گے کہ انہیں نوٹی فکیشن جاری کرنے کیلیے کس نے مجبور کیا اور نوٹی فکیشن کس نے جاری کروایا، گورنر کے غیرآئینی اقدام کو عدالت نے مسترد کردیا۔
پارلیمنٹ حملہ کیس میں علامہ راجہ ناصر عباس کی ضمانت منظور
فواد چوہدری نے کہا کہ عدالت نے جو بیان حلفی لیا پی ٹی آئی اُس سے اتفاق نہیں کرتی، ہم نے بیان حلفی دیا کہ آئندہ سماعت تک اسمبلی تحلیل نہیں کریں گے،
اسمبلیاں ہر صورت تحلیل ہوں گی چاہیے ایک ہفتے یا دو دن میں ہوں، ہم بیان حلفی کے حق میں تھے، عدالت کے کہنے پر ہی دیا۔