اسلام آباد: گورنر کے پی کے حاجی غلام علی نے خیبر پختونخوا میں انتخابات کیلئے الیکشن کمیشن کو 28 مئی کی تاریخ دیدی۔
اسلام آباد میں پریس کانفرنس کرتے ہوئے گورنر خیبر پختونخوا حاجی غلام علی نے کہا ہے کہ مجھ پر ساری قوم کا دباؤ تھا،
الیکشن کمیشن کے ساتھ ہماری اچھے ماحول میں مشاورت ہوئی ہے، کے پی میں 28 مئی کی تاریخ پر اتفاق ہو گیا ہے، ہم نے الیکشن کے لئے 28 مئی کی تاریخ دی ہے۔
صدر عارف علوی کی گورنر خیبرپختونخوا سے ملاقات
انہوں نے کہا ہے کہ سکیورٹی کے حوالے سے بہت سے سوالات اٹھے ہیں اور اٹھیں گے، امید ہے الیکشن خیر خیرت سے ہو جائیں،
ہمارے قبائلی اضلاع کے لوگ آج بھی احتجاج پر ہیں، ہم پہلے بھی کہہ رہے تھے اور اب بھی کہہ رہے ہیں کہ امن وامان کا مسئلہ ہے۔
گورنر خیبر پختونخوا کا مزید کہنا تھا کہ لکی مروت اور چارسدہ میں کل بھی پولیس کو ٹارگٹ کیا گیا، ہمارا مسئلہ امن و امان کا تھا۔