اسلام آباد : نیپرا نے کے الیکٹرک کیلئے بجلی 4 روپے 70 پیسے فی یونٹ سستی کردی، فیصلے کا اطلاق کے الیکٹرک کے لائف لائن صارفین پر نہیں ہوگا۔
تفصیلات کے مطابق کراچی کے بجلی صارفین کے لئے اچھی خبر آگئی، نیپرا نے کے الیکٹرک کیلئے بجلی کی قیمت میں 4 روپے 70 پیسے فی یونٹ کمی کردی۔
نیپرا نے بتایا کہ کمی ستمبر کی ماہانہ فیول ایڈجسٹمنٹ کی مد میں کی گئی ہے ، جس سے کراچی کے صارفین کو7 ارب 84 کروڑ 40 روپے سے زائد کا ریلیف ملے گا ، فیصلے کا اطلاق کے الیکٹرک کے لائف لائن صارفین پر نہیں ہوگا۔
کے الیکٹرک حکام کا کہنا تھا کہ ستمبر میں ایل این جی کے سپاٹ کارگوزنہیں خریدے،ستمبر میں مقامی گیس ملنے سے بجلی قیمت پر مثبت فرق پڑا۔
جس پر چیئرمین نیپرا نے کہا کہستمبر میں کے الیکٹرک نے اپنے ذرائع سےمہنگی،بجلی کیوں پیدا کی، کے الیکٹرک نے اپنے ذرائع سے 3گنا مہنگی،بجلی پیدا کی ہے۔
چیئرمین نیپرا کا کہنا تھا کہ کےالیکٹرک نے ذرائع سے37روپے74پیسےفی یونٹ،بجلی پیدا کی، کے الیکٹرک نے بیرونی ذرائع سے 13 روپے 12 پیسے فی یونٹ میں،بجلی خریدی۔
کے الیکٹرک حکام نے بتایا کہ ایندھن کی قیمتوں میں فرق سے مہنگی بجلی پیدا کی۔
