کراچی کے بلدیاتی انتخابات کے بعد پیپلز پارٹی اور جماعت اسلامی کے رہنماؤں کے درمیان ہونے والی پہلی ملاقات میں میئر کراچی کے معاملے پر اتفاق نہ ہو سکا۔
رہنما پیپلز پارٹی سعید غنی کی قیادت میں نجی عالم اور امتیاز شیخ جماعت اسلامی کے مرکز پہچنے جہاں انہوں نے امیر جماعت اسلامی کراچی حافظ نعیم الرحمان کی سربراہی میں جماعت اسلامی کے وفد سے کراچی کے بلدیاتی الیکشن اور میئر کے حوالے سے بات چیت کی۔
بعد ازاں دونوں جماعتوں کے رہنماؤں نے مشترکہ پریس کانفرنس کرتے ہوئے بات چیت جاری رکھنے پر اتفاق کیا۔
چیف الیکشن کمشنر کے بنائے نگراں وزیر اعلیٰ کو چلنے نہیں دیں گے، چوہدری پرویز الہیٰ
یاد رہے کہ کراچی میں 15 جنوری کو ہونے والے بلدیاتی انتخابات کے نتائج پر جماعت اسلامی اور تحریک انصاف نے شدید تحفظات کا اظہار کیا تھا جبکہ پیپلز پارٹی اور جماعت اسلامی دونوں ہی انتخابات میں زیادہ نشستیں جیتنے کی دعویدار ہیں۔
اس حوالے سے سعید غنی کا کہنا تھا جماعت اسلامی کے ساتھ معاملات بات چیت کے ذریعے حل کرنے کے لیے تیار ہیں، میئر کراچی کس جماعت کا ہو گا اس معاملے پر بیٹھ کر بات ہو سکتی ہے۔
دوسری جانب امیر جماعت اسلامی کراچی حافظ نعیم الرحمان کا مؤقف ہے کہ پہلے پیپلز پارٹی جماعت اسلامی کو نمبر ون پارٹی تسلیم کرے پھر بات چیت ہو سکتی ہے، ہم بات چیت کے لیے تیار ہیں لیکن بات چیت سے حل بھی نکلنا چاہیے۔
