اسلام آباد: سابق صدر آصف علی زرداری وزیراعظم شہباز شریف کے درمیان ملاقات میں ملکی سیاسی صورتحال پر تبادلہ خیال کیا گیا۔
پیپلز پارٹی کے شریک چیئرمین آصف علی زرداری وزیراعظم ہاؤس پہنچے تو وزیراعظم شہباز شریف نے ان کا استقبال کیا، اس دوران سابق صدر نے وزیراعظم کی مزاج پرسی کی۔
وزیراعظم نے سابق صدر کی آمد پر ان کا شکریہ ادا کیا، دونوں قائدین نے مجموعی ملکی سیاسی صورتحال پر بھی تبادلہ خیال کیا۔
یاد رہے کہ وزیراعظم شہباز شریف مصر میں ہونے والی کوپ کانفرنس کے بعد پاکستان آنے کے بجائے لندن چلے گئے تھے جہاں پرانہیں اپنے بھائی اور قائد میاں محمد نواز شریف سے ملاقات کی تھی اور اہم تعیناتی پر تبادلہ خیال کیا تھا۔
منظور پشتین اور محسن داوڑ کے ناقابل ضمانت وارنٹ جاری
لندن سے واپسی کے بعد پاکستان پہنچنے پر پاکستان مسلم لیگ ن کی ترجمان اور وفاقی وزیر اطلاعات مریم اورنگزیب نے بتایا کہ وزیراعظم شہباز شریف کو تیسری مرتبہ کورونا ہو گیا جس کے بعد انہیں خود کو وزیراعظم ہاؤس میں قرنطینہ کر لیا ہے۔
چند روز قبل وزیراعظم شہباز شریف سے ملنے کے لیے پاکستان ڈیمو کریٹک موومنٹ (پی ڈی ایم) کے سربراہ اور امیر جمعیت علمائے اسلام (ف) مولانا فضل الرحمان بھی وزیراعظم ہاؤس گئے تھے، جہاں پر ملکی سیاسی صورتحال سمیت اہم امور پر تبادلہ خیال کیا گیا تھا۔