دنیا بھر میں مقبول چین کی سوشل ویڈیو شیئرنگ اپیلی کیشن ٹک ٹاک نے ایک نیا فیچر متعارف کرنے کا اعلان کرتے ہوئے بتایا ہے کہ اس فیچر سے 18سال سے کم عمر افراد روزانہ صرف ایک گھنٹہ ٹک ٹاک استعمال کر سکیں گے۔
غیرملکی خبر رساں اداے کی رپورٹ کے مطابق ٹک ٹاک انتظامیہ نے اس فیچر کو جلد متعارف کرانے کی تصدیق کرتے ہوئے بتایا کہ مذکورہ فیچرکے تحت کم عمر افراد ایک دن میں صرف ایک گھنٹے تک ہی اپنے اکاؤنٹ چلا سکیں گے، اور ایک گھنٹے کا وقت مکمل ہونے کے بعد صارف کو پاپ اپ ونڈو میں ایک پیغام موصول ہوگاکہ آپ کو دیا گیا وقت مکمل ہوچکا ہے۔
رپورٹ کے مطابق اپیلی کیشن کا وقت 60سے 100منٹ تک بڑھایا جاسکے گا،تاہم18سال سے کم عمر افراد کو روزانہ 100منٹ سے زیادہ ٹک ٹاک استعمال کرنے کی اجازت نہیں ہوگی، جبکہ انہیں یہ اختیار ہوگا کہ وہ اپنی مرضی کے وقت کا تعین کرسکیں۔
اس کے علاوہ ٹاک ٹاک کی جانب سے کم عمر افراد کے والدین کی جانب سے نگرانی کیلئے بھی کچھ نئے فیچر متعارف کرائے جائیں گے تاکہ وہ اپنے بچوں کے اکاؤنٹ سے ایسے مواد کو ہٹا سکیں جوان کی نظر میں نامناسب ہو۔
