پی ٹی آئی رہنما فرخ حبیب نے کہا ہے کہ پاکستان کی معیشت تباہی کے دہانے پر پہنچ گئی ہے۔
تفصیلات کے مطابق سماجی رابطے کی ویب سائٹ ٹوئٹر پر پی ٹی آئی رہنما فرخ حبیب نے اپنے ایک بیان میں کہا کہ پاکستان کی تاریخ میں ڈالر ایک روز میں 25 روپے مہنگا اور روپے کی قدر میں کمی ہوگئی۔
انہوں نے کہا کہ کمپنی کی جانب سے رجیم چینج سے پہلے ڈالر 182 روپے کا تھا جو 9 ماہ میں 257 روپے کا ہوگیا ہے یعنی 82 روپے ڈالر مہنگا ہوگیا ہے۔
ان کا کہنا تھا کہ رجیم چینج کے بعد 9 ماہ میں عالمی مالیاتی جریدے بھی اب لکھنے پر مجبور ہوگئے ہیں۔
ان کا یہ بھی کہنا تھا کہ مطلب آج کے ڈالر ریٹ سے پٹرول اور ڈیزل، دالیں، گھی اور بجلی سمیت مہنگائی کا طوفان آئے گا۔
فرخ حبیب نے کہا کہ غلطی کرنے والوں کو سمجھ لینا چاہئیے کہ پاکستان کی معشعیت تباہی کے دہانے پر پہنچ گئی ہے جبکہ اس کی ذمہ دار پی ڈی ایم کو لانے والے ہیں۔
انہوں نے کہا کہ نالائقوں کے ٹولے نے سوائے این آر او 2 کے ذریعے کرپشن معاف کروانے کے کچھ نہیں کیا۔
ان کا کہنا تھا کہ اس امپورٹڈ حکومت نے امریکہ کے خوف سے عوام پر مہنگے پٹرول اور ڈیزل اور گندم کا بوجھ ڈالا۔
ان کا یہ بھی کہنا تھا کہ عمران خان 9 ماہ پہلے روس سے سستا تیل اور گندم لے رہا تھا اور اگر عمران خان کی بات مان لی ہوتی تو اربوں روپے قوم کی جیب سے اضافی نہ جاتے۔
پی ٹی آئی رہنما فرخ حبیب نے مزید کہا کہ شرم کرو کریڈٹ لینے بجائے ان کو قوم کے نقصان پر سزا ملنی چاہیے۔