اسلام آباد: وزیراعظم شہباز شریف نے لسبیلہ بلوچستان ہیلی کاپٹر حادثے میں شہید ہونے والے کور کمانڈر 12 کورلیفٹیننٹ جنرل سرفراز علی شہید کے اہلخانہ سے اظہار تعزیت کرتے ہوئے کہا ہے کہ ہمارے شہدا ہمارا فخر ہیں جو دہشت گردوں کے خلاف جنگ ہو یا کوئی قدرتی آفت، پاک فوج کے جوان و افسران ہمیشہ قوم کے محافظ بن کر میدان میں اترے ہیں۔
وزیرِ دفاع خواجہ آصف اور وزیرِ اطلاعات و نشریات مریم اورنگزیب بھی وزیراعظم کے ہمراہ تھے۔ شہباز شریف نے مزید کہا کہ پاک فوج کے افسران و جوانوں نے اس وطن کی حفاظت کیلئے اپنی جانوں کا نظرانہ پیش کرنے سے کبھی دریغ نہیں کیا۔
انہوں نے کہا کہ مجھ سمیت پوری قوم اپنے شہدا کی ان قربانیوں پر انہیں خراجِ تحسین پیش کرتی ہے۔
وزیراعظم نے معاون خصوصی عطا تارڑ کو انسداد منشیات کا قلمدان دے دیا
علاوہ ازیں وزیرِ اعظم شہباز شریف نے لیفٹیننٹ جنرل سرفراز علی شہید کے لیے فاتحہ ادا کی اور ان کے اہلِ خانہ سے ملاقات بھی کی۔ خیال رہے کہ وزیرِ اعظم اس سے پہلے 14 اگست کو میجر طلحہ منان شہید کے گھر ان کے اہلِ خانہ سے تعزیت کیلئے بھی گئے تھے۔
