کراچی: محکمہ داخلہ سندھ نے صوبے میں دفعہ 144 نافذ کر دی۔
تفصیلات کے مطابق محکمہ داخلہ سندھ نے صوبے بھر میں دفعہ ایک سو چوالیس نافذ کر دی ہے، محکمے کا کہنا ہے کہ صوبے میں جلسے جلوسوں اور عوامی اجتماعات پر مکمل پابندی ہوگی۔
دفعہ 144 کا نفاذ 30 دن تک جاری رہے گا، محکمہ داخلہ کا کہنا ہے کہ ممکنہ دہشت گردی کے پیش نظر دفعہ 144 کا نفاذ کیا گیا ہے۔
واضح رہے کہ عمران خان کے حقیقی آزادی مارچ سے پہلے پولیس نے کراچی سمیت ملک بھر میں رہنماؤں اور سرگرم کارکنوں کے خلاف کریک ڈاؤن شروع کر دیا ہے، لاہور میں حماد اظہر کے گھر پر چھاپا مارا گیا، پولیس اہل کار سیڑھی لگا کر گھر میں داخل ہوئے، گارڈز کو تشدد کا نشانہ بنایا گیا۔
پی ٹی آئی رہنما اسد عمر اور ڈاکٹر بابر اعوان کے گھروں پر بھی چھاپے مارے گئے، کراچی میں پی ٹی آئی کراچی کے جنرل سیکریٹری سیف الرحمان محسود کو گھر سے اور عطاللہ ایڈووکیٹ کو گھر کا دروازہ توڑ کر گرفتار کیا گیا۔
کینسر سے نبرد آزما ڈاکٹر یاسمین راشد حماد اظہر کے گھر پر چھاپے کے وقت پہنچیں تو انھیں بھی مرد اہل کاروں نے پکڑنے کی کوشش کی۔
