لاہور :۔عمران خان نے سماجی رابطے کی ویب سائٹ ٹویٹر پر ٹویٹ کرتے ہوئے کہا کہ میں اپنا نام ای سی ایل میں ڈالنے پر حکومت کا شکریہ ادا کرنا چاہتا ہوں کیونکہ میرا بیرون ملک سفر کرنے کا کوئی ارادہ نہیں ہے، کیونکہ میری نہ تو بیرون ملک کوئی جائیدادیں ہیں نہ کاروبار اور نہ ہی ملک سے باہر کوئی بینک اکاؤنٹ ہے۔
گذشتہ روزحکومت نے پاکستان تحریک انصاف کے سربراہ اور سابق وزیراعظم عمران خان کا نام ای سی ایل میں شامل کیا تھا۔عمران خان نے اپنا نام ای سی ایل میں شامل کیے جانے پر ردِعمل دیا ہے ۔عمران خان نے مزید کہا کہ اگر اور جب مجھے چھٹی کا موقع ملتا ہے تو یہ ہمارے شمالی پہاڑوں میں ہوگا، جو زمین پر میری پسندیدہ جگہ ہے۔
خیال رہے کہ عمران خان، سابق خاتون اول بشریٰ بی بی سمیت 600 سے زائد افراد کے نام نو فلائی لسٹ میں شامل کردئیے گئے۔ذرائع کے مطابق یہ نام 9 مئی کے جلاؤ گھیراؤ واقعات میں ملوث ہونے کے تناظر میں ڈالے گئے ہیں،جن افراد کے نام نو فلائی لسٹ میں شامل کیے گئے ہیں ان سے زائد سابق ارکان اسمبلی، عہدیداروں کے نام نوفلائی لسٹ میں شامل ہے۔
جہانگیر ترین نے نئی سیاسی پارٹی بنانے پر غور شروع کردیا
بیرون ممالک جانے سے روکنے کیلیے نام ایف آئی اے کی پی این آئی ایل میں ڈالے گئے۔گزشتہ 3 روز میں بعض عہدیداروں نے بیرون ممالک جانے کی کوشش بھی کی، بیرون ممالک جانے کی کوشش کرنے والے پی ٹی آئی ارکان، عہدیداروں کو ہوائی اڈوں پر روکا گیا۔اسی طرح مراد سعید، ملیکہ بخاری، فواد چوہدری، حماد اظہر کا نام بھی نو فلائی لسٹ میں شامل ہے۔قاسم سوری، ڈاکٹر یاسمین راشد، میاں اسلم اقبال اور اسد قیصر کا نام بھی نو فلائی لسٹ میں شامل کردیا گیا ہے۔ایف آئی اے حکام کے مطابق بیرون ممالک سفر سے روکنے کیلیے نام پولیس، سی ٹی ڈی، خفیہ اداروں نے ارسال کیے۔
