اسلام آباد : عراقی وزیر خارجہ ڈاکٹر فواد حسین 2 روزہ دورے پر کل پاکستان پہنچیں گے ، دورے کے دوران وہ پاکستان کی قیادت سے ملاقاتیں کریں گے۔
تفصیلات کے مطابق ترجمان دفتر خارجہ کی جانب سے بیان میں کہا گیا ہے کہ عراقی وزیر خارجہ ڈاکٹر فواد حسین 11 اور 12 اگست کوپاکستان کا دورہ کریں گے ، ڈاکٹر فواد حسین، شاہ محمودقریشی کی دعوت پر دورہ کررہے ہیں۔
ترجمان کا کہنا تھا کہ دورے کے دوران عراقی وزیرخارجہ پاکستانی قیادت سے بھی ملاقاتیں کریں گے، جس میں باہمی دلچسپی کے امور پر تبادلہ خیال کیا جائے گا اور علاقائی امور سمیت مسلم امہ کو درپیش مسائل پر بات ہوگی۔
یاد رہے رواں سال مئی میں وزیر خارجہ مخدوم شاہ محمود قریشی نے عراق کا دورہ کیا تھا ، دورے کے دوران عراقی ہم منصب سے ملاقات میں دہشت گردی کےخلاف عراقی عوام کی لازوال قربانیوں کو سراہتے ہوئے فلسطین،کشمیرمیں انسانی حقوق کی پامالیوں پر پاکستان کے نکتہ نظر سے آگاہ کیا تھا۔
یہ بھی پڑھیں : امریکی فوج عراق سے کب نکلے گی ، عراقی وزیر اعظم نے اہم اعلان کر دیا
شاہ محمود قریشی کا کہنا تھا کہ پاکستان عراق سےتعلقات کوانتہائی قدر کی نگاہ سےدیکھتا ہے ، دونوں ممالک میں برادرانہ تعلقات کی بنیادیکساں مذہبی اقدارہیں۔
وزیر خارجہ نے کہا تھا کہ ہم نےجغرافیائی سیاسی ترجیحات کوجغرافیائی اقتصادی ترجیحات میں بدل دیا، دونوں ممالک میں مختلف شعبوں میں سرمایہ کاری کےوسیع ہیں، پاکستان ابھرتی ہوئی منڈی ہےجہاں سرمایہ کاری کےبےشمار مواقع ہیں۔