وزیراطلاعات مریم اورنگزیب نے کہا ہے کہ ٹیسٹ سیریز کرکٹ کی روح ہے، کرکٹ پر سیاست نہیں ہوتی۔
تفصیلات کے مطابق مریم اورنگزیب نے برطانیہ کی کرکٹ ٹیم کے اعزاز میں منعقدہ تقریب پر اظہار خیال کرتے ہوئے کہا کہ 2005کے بعد پہلی بار ٹیسٹ سیریز کیلئے انگلش کرکٹ ٹیم پاکستان آئی ہے۔
وزیراطلاعات مریم اورنگزیب کا کہنا ہے کہ انگلینڈ کرکٹ ٹیم کے دورۂ پاکستان کے لیے برطانوی ہائی کمشنر کا کردار ناقابل فراموش ہے، وزیر اعظم شہبازشریف نے بھی انگلش ٹیم کے دورے کے لیے کردار ادا کیا۔
وزیراطلاعات نے کہا کہ ڈومیسٹک کرکٹ کیلئے ضروری ہے انٹر نیشنل کرکٹ ٹیمیں یہاں آتی رہیں، انگلینڈ کی کرکٹ ٹیم کے دورے سے نوجوانوں میں مثبت سرگرمی دیکھی جا سکتی ہے۔
انہوں نے کہا کہ فیفا ورلڈ کپ بھی ہو رہے ہیں، نوجوان مثبت سرگرمیوں میں مشغول ہیں، کرکٹ ہمارے کلچر کا حصہ بن چکا ہے۔
انہوں کا مزید کہنا تھا کہ پاکستان اور انگلینڈ کی کرکٹ ٹیمیں بہترین ہیں، جو اچھا کھیلے گا وہی جیتے گا، یہی جذبہ ہونا چاہیے۔
