اسلام آباد : وزیر اعظم شہباز شریف کا کہنا ہے کہ ترقی کاسفر وہیں سےشروع ہوگا جہاں سے رکا تھا، ملک وقوم کا ایک روپیہ بھی ضائع نہیں ہونے دیں گے۔
تفصیلات کے مطابق وزیر اعظم شہباز شریف سے ڈپٹی چیئرمین پلاننگ کمیشن جہانزیب خان کی ملاقات ہوئی ، ملاقات میں وزیر اعظم کوتعطل کےشکار ترقیاتی منصوبوں کےحوالے سے آگاہ کیا گیا۔
وزیرِ اعظم نے عوامی فلاحی منصوبوں کو ترجیحی بنیادوں پرمکمل کرنے اور پلاننگ کمیشن کومزید فعال کرنے کی ہدایت کردی۔
شہباز شریف نے کہا کہ ٹھوس پالیسیوں کی تشکیل سےمعاشی واقتصادی ترقی یقینی بنائیں گے۔
وزیر اعظم نے ہدایت کی کہ وزارتیں اور ڈویژن باہمی تعاون کو یقینی بنائیں، فلاحی منصوبے مزید مجرمانہ غفلت کا شکار نہیں ہوں گے۔
شہبازشریف کا کہنا تھا کہ ترقی کاسفر وہیں سےشروع ہوگا جہاں سے رکا تھا، ملک وقوم کا ایک روپیہ بھی ضائع نہیں ہونے دیں گے۔