اسلام آباد : پی ڈی ایم کا سربراہی اجلاس آج ہوگا ، جس میں سپریم کورٹ کے حالیہ فیصلے اور سیاسی صورت حال پر مشاورت ہوگی۔
تفصیلات کے مطابق حکومتی اتحاد کو پنجاب میں بدترین شکست اور وفاق میں چیلنجز کا سامنا ہے ، پی ڈی ایم کا سربراہی اجلاس آج شام طلب کیا گیا ہے۔
مولانا فضل الرحمان مسلم ہاؤس چک شہزاد میں اجلاس کی صدارت کریں گے، پی ڈی ایم میں شامل تمام جماعتوں کے سربراہان اجلاس میں شرکت کریں گے۔
اجلاس میں سپریم کورٹ کے حالیہ فیصلے اور سیاسی صورت حال پر مشاورت کی جائے گی۔
گذشتہ روز مولانافضل الرحمان نے صحافیوں سے گفتگو میں کہا تھا کہ اپنی پوری سیاست کی فکرو،ہم نےتمہاری حکومت کوزمین بوس کردیا، اب پنجاب حکومت کی خیرمناؤجوچنددن کی مہمان ہے۔
مولانافضل الرحمان کا کہنا تھا کہ اگر قانون میں کہیں سقم ہےتواس پرقانون سازی ہونی چاہیے، اسپیکر قومی اسمبلی کو کہا ہے کہ تحقیقات کر کے استعفے قبول کریں، اسپیکرکی صوابدیدہےکہ وہ کب استعفےمنظورکرتے ہیں۔
انھوں نے مزید کہا کہ ہمیں ادارے سے کوئی گلہ نہیں البتہ اٹک پار سے شکوہ ضرورہے ، حکومت سےشکوہ ہے،عمران خان کیخلاف کیسزکافیصلہ کیوں نہیں ہورہا ، عمران خان کیخلاف کیسزپرعوامی رائےعامہ ہموارکرنےکی ضرورت ہے۔