لاہور:مسلم لیگ ق کے رہنماء سابق وزیراعلیٰ پنجاب چوہدری پرویز الہٰی نے الزام عائد کیا ہے کہ لوگوں کو گرفتار کرنے اور گھروں سے اٹھانے کا سلسلہ شروع کردیا گیا، جس کے لیے حکم ہوا ہے کہ 25 مئی والے افسران کو فوری لگانا شروع کردیں۔
میڈیا رپورٹس کے مطابق سابق وزیر اعلی ٰپنجاب چوہدری پرویز الہٰی سے سابق اسپیکر سبطین خان نے ملاقات کی، ملاقات میں موجودہ ملکی صورت حال سمیت دیگر سیاسی امور پر تبادلہ خیال کیا گیا، اس دوران پنجاب میں نگران سیٹ اپ میں بڑے پیمانے ہر بیورو کریسی کی اکھاڑ پچھاڑ کی بھی مذمت کی گئی۔
اس موقع پر چوہدری پرویز الٰہی نے کہا کہ پنجاب میں متنازعہ ترین افسران کی تعیناتیاں کی جارہی ہیں، خاص طور پر پی ٹی آئی مخالف شہرت رکھنے والے افسران کو تعینات کیا جارہا ہے لیکن عمران خان کرپٹ مافیا کے آگے ڈٹ کر کھڑے ہیں، انتخاب میں شکست پی ڈی ایم کا مقدر بنے گی اور آنے والا وقت صرف عمران خان کا ہے۔
آج ہم بڑی مشکلات میں ہیں‘ تیل کی امپورٹ پر27ارب ڈالر خرچ ہوچکے، وزیراعظم
انہوں نے کہا کہ الیکشن کمیشن شفاف الیکشن کے لیے ذمہ داری ادا کرنے میں ناکام ہے، الیکشن کی تاریخ نہ دیکر آئینی ذمہ داری کی خلاف ورزی کی جارہی ہے، اس کے علاوہ الیکشن کمیشن کے نگران وزیر اعلیٰ کی متنازعہ تقرری کو عدالت میں چیلنج کر رہے ہیں۔
ادھر الیکشن کمیشن میں پنجاب اور خیبرپختونخوا کے عام انتخابات اور ضمنی الیکشن کے معاملے پر چیف الیکشن کمشنر کی زیر صدارت اہم اجلاس ہوا، عام انتخابات اور ضمنی الیکشن کے اخراجات اور تیاریوں پر اجلاس میں بریفنگ دی گئی،
