کراچی: ویسٹ انڈیز کرکٹ بورڈ کو پاکستان میں موجود اسکواڈ کی کرونا رپورٹس موصول ہوگئیں ہیں۔
تفصیلات کے مطابق ویسٹ انڈیز کرکٹ ٹیم کےکھلاڑیوں کی ریپڈ ٹیسٹ رپورٹ آگئی ہے، باقی ماندہ کھلاڑیوں کی رپورٹ منفی آئی ہیں، پاکستان میں موجود آفیشل اپنے بورڈ حکام سے ویڈیو لنک پر میٹنگ جاری رکھے ہوئے ہیں، میٹنگ کے آخری میں پاکستان سے ہوم سیریز کے بقیہ میچز پر حتمی فیصلہ کیا جائے گا۔
ذرائع کے مطابق رپورٹس منفی آنے کے بعد پاکستان کرکٹ بورڈ نے براڈکاسٹرز کو اسٹیڈیم پہنچنے کی ہدایت کی ہے۔
ویسٹ انڈیز کیمپ سے مزید پانچ کرونا ٹیسٹ مثبت آنے کے بعد آج ہونے والا تیسرا اور آخری ٹی ٹوئنٹی میچ کووڈ ٹیسٹ کی رپورٹ سے مشروط کیا گیا تھا۔
اگرویسٹ انڈیز اسکواڈ سے مزید مثبت کیسز رپورٹ ہوئے تو آج کا میچ ملتوی ہونے کے ساتھ ساتھ ون ڈے سیریز کا انعقاد بھی خطرے میں پڑجائے گا۔
واضح رہے کہ آج ویسٹ انڈیز بورڈ کی جانب سے جاری بیان میں بتایا گیا تھا کہ دورہ پاکستان پر موجود ٹیم کےمزید تین کھلاڑیوں کا کرونا ٹیسٹ مثبت آیا ہے، شائےہوپ، عقیل حسین اور جسٹن گریوز کرونا کا شکار ہوئے ہیں، تینوں کھلاڑی آئسولیشن میں چلے گئے ہیں۔
ویسٹ انڈیزبورڈ کا مزید کہنا تھا کہ بولنگ کوچ راڈی ایسٹ وک اور ٹیم ڈاکٹربھی کرونا سے متاثر ہوچکے ہیں۔