قطر اور مصر کی جانب سے غزہ کو ایندھن اور بنیادی تعمیراتی سامان کی فراہمی کے معاہدوں پر دستخط کر دیے گئے ہیں۔
غیر ملکی خبر رساں ادارے کے مطابق یہ معاہدہ اوسلو میں فلسطینیوں کے لیے بین الاقوامی ڈونر گروپ کے اجلاس کے دوران طے پایا ہے۔
قطری وزیر مملکت برائے خارجہ امور سلطان بن سعد المراخی نے ایک بیان میں کہا کہ موجودہ مفاہمت کی اہمیت، رفح بارڈر کراسنگ کے ذریعے مسافروں کی نقل و حرکت میں سہولت فراہم کرنا ہے۔
ان کا مزید کہنا تھا کہ اس خطے کی صورتحال کو پرسکون کرنے کے لیے تمام فریقوں کے درمیان رابطے کی ضرورت ہے۔
واضح رہے کہ امریکہ نے اس ملاقات کو فلسطینیوں کے لیے اقتصادی ترقی کی حمایت کا ایک اہم موقع قرار دیا ہے۔
