بیرون ممالک میں مقیم ترک شہریوں کے ووٹز کو ترکیہ لانے کا عمل مکمل ہو گیا۔
گزشتہ روز کینیڈا سے آخری ووٹز کے بیگ کو ترکش ایئرلائنز کے ذریعے استنبول ایئرپورٹ لایا گیا۔
ان بیگزکو انتخابی اہلکاروں اورسیاسی جماعتوں کے نمائندوں کی نگرانی میں سیل کیا گیا اور ایک کمرے میں رکھا گیاجس میں سٹیل کے دروازے پرسات تالے لگے ہوئے تھے۔یہ بیگز انقرہ میں غیر ملکی ڈسٹرکٹ الیکشن بورڈ کو پہنچائے جائیں گے۔
بیرون ملک مقیم 1.76 ملین سے زائد ترک شہریوں نے صدر اور پارلیمانی نمائندوں کے انتخاب کے لیے اپنا ووٹ کاسٹ کیا۔
جبکہ ترکیہ میں انتخابات اتوار کو ہوں گے۔الیکشن سےکچھ روز قبل صدارتی امیدواروں کی فہرست سے محرم انجے نے اپنا نام واپس لے لیا ہے۔اب ووٹرزرجب طیب ایردوان ،کلچدار اولو،اوسنان اوغان میں سے ایک کا انتخاب کریں گے۔
دریں اثنا،24 سیاسی جماعتیں اور 151 آزاد امیدوار 600 رکنی ترک پارلیمنٹ میں نشستوں کے لیے میدان میں ہیں۔
