کراچی : ایم کیو ایم پاکستان کے کنوینر خالد مقبول صدیقی نے کہا ہے کہ کراچی مصنوعی سیاستدانوں کے ذریعے نہیں چلایا جاسکتا۔
تفصیلات کے مطابق خالد مقبول صدیقی نے کوئٹہ پریس کلب کے پروگرام حال و احوال میں گفتگو کرتے ہوئے کہا کہ پاکستان کے جاگیردارانہ نظام کے لئے ایم کیو ایم خطرہ ہے، کراچی مصنوعی سیاستدانوں کے ذریعے نہیں چلایا جاسکتا۔
انہوں نے کہا کہ ہر پاکستانی کو یکساں حقوق دینا ہوں گے، دیہی شہری سندھ کی تقسیم پیپلز پارٹی نے کی، ایم کیو ایم ورکنگ کلاس کی نمائندہ ہے، ایم کیو ایم کا بیانیہ مضبوط نہ ہوتا تو ختم ہوجاتے۔
ان کا کہنا تھا کہ ایم کیو ایم شراکت چاہتی ہے، فرسودہ سیاسی نظام تبدیل کرنا ہے، ایم کیو ایم تحریک ہے، زندہ رہے گی، تبدیل لیڈر شپ لیکن مضبوط سلوگن کے ساتھ کام کر رہے ہیں، ہمیشہ جمہوریت مضبوط بنانے کیلئے کام کیا۔
ایم کیو ایم پاکستان کے کنوینر خالد مقبول صدیقی نے مزید کہا کہ غریب اور کمزور طبقات کی زندگیوں میں بہتری مقصد ہے، ملک کے خلاف نعروں کی وجہ سے الطاف حسین سے الگ ہوئے۔