اگر آپ کا ٹوئٹر اکاؤنٹ تصدیق شدہ ہے تو پھر بھی آپ ایک نئی فشنگ سکیم کا نشانہ بن سکتے ہیں جہاں سکیمرز آپ کا اکاؤنٹ ہیک کرنے کی کوشش کرسکتے ہیں۔
بہت سے تصدیق شدہ ٹوئٹر اکاؤنٹ ہولڈرز نے “بلیو بیج سپورٹ” (یا بعض اوقات دوسرے تصدیق شدہ اکاؤنٹس سے) سے پیغامات موصول ہونے کی اطلاع دی ہے۔
ان پیغامات میں کہا گیا ہے کہ ان کا اکاؤنٹ حذف کردیا جائے گا کیونکہ ان کا “سپیم کے طور پر جائزہ لیا گیا ہے” یا ان پر “کاپی رائٹ کی خلاف ورزی” کا الزام لگایا گیا ہے۔
یاد رکھیں یہ پیغامات اور ای میلز مصدقہ نہیں ہیں، ان اسکیمرز کا مقصد آپ کے اکاؤنٹ کی تصدیقی اسناد و معلومات چُرانا ہے۔
اپنی حفاظت کیسے کریں۔
یہ بات اچھی طرح ذہن نشین کرلیں کہ ٹوئٹر انتظامیہ آپ سے براہ راست کسی پیغام کے ذریعے آپ کے لاگ ان کی اسناد کے لیے کبھی کوئی معلومات نہیں لے گی۔
اگر آپ کو لگتا ہے کہ آپ کے اکاؤنٹ میں کوئی مسئلہ ہے تو مدد کے لیے براہ راست ٹویٹر سپورٹ رابطہ کریں۔
ان لنکس پر کلک کرنے سے پہلے تصدیق کرلیں کہ لنکس محفوظ ہیں؟ کیا یو آر ایل مشتبہ لگتا ہے؟ اس کے علاوہ براہ راست پیغامات یا ای میلز میں لنکس یا بٹنوں سے زیادہ محتاط رہیں، چاہے وہ تصدیق شدہ اکاؤنٹس کے ذریعے ہی کیوں نہ بھیجے گئے ہوں۔
کسی بھی قسم کی دھوکہ دہی سے بچنے کیلئے "ٹرینڈ مائیکرو چیک” ایپ استعمال کریں، یہ ایپ اس طرح کے حملوں اور خطرناک لنکس کا پتہ لگانے کے لیے بنائی گئی ہے جسو صآرفین کیلئے بالکل مفت فراہم کی جاتی ہے۔