کراچی : انٹر بینک مارکیٹ میں ڈالر کی قدر میں کمی ریکارڈ کی گئی جب کہ پاکستان اسٹاک ایکسچینج میں مثبت رجحان دیکھا گیا۔
تفصیلات کے مطابق انٹر بینک مارکیٹ میں ڈالر تین پیسے سستا ہونے کے بعد 168 روپے 65 پیسے پر فروخت ہورہا ہے۔
ادھر پاکستان اسٹاک ایکسچینج میں کاروبار کے دوران 100 انڈیکس 258 پوائنٹس کا اضافہ ریکارڈ کیا گیا۔
اسٹاک مارکیٹ میں کاروبار کے دوران فوری تیزی کا رحجان دیکھا گیا جس کے سبب انڈیکس میں بتدریج اضافہ ہوا اور 100 انڈیکس 45856 کی سطح پر ٹریڈ کررہا ہے۔