کراچی: عالمی مارکیٹ میں کمی کے باوجود ملکی سطح پر سونے کی قیمت میں ہزاروں روپے کا اضافہ ہوا ہے۔
سندھ صرافہ جیولرز ایسوسی ایشن کے مطابق سونےکی فی تولہ قیمت میں آج پھر ہزاروں روپے کا بڑا اضافہ ہوا ہے، سونے کی فی تولہ قیمت میں 3 ہزار 550 روپے اضافہ ہوا ہے، جس کے بعد ملک میں فی تولہ سونےکی قیمت ایک لاکھ 46 ہزار 50 روپے ہوگئی ہے۔
10 گرام سونےکی قیمت میں 2 ہزار 958 روپے اضافہ ریکارڈ کیا گیا ہے، جس کے بعد 10 گرام سونےکی قیمت 1 لاکھ 21 ہزار 709 روپے ہوگئی ہے۔
دوسری جانب عالمی بازار میں سونے کا بھاؤ 18 ڈالر کم ہوکر 1729 ڈالر فی اونس ہے۔