اسلام آباد : اسلام آباد ہائی کورٹ نے ٹریکٹر ریفرنس میں سابق صدر آصف زرداری کیخلاف نیب اپیلیں سماعت کے لیے مقرر کردیں، آصف زرداری پر 10 ملین ڈالر کی رشوت کا الزام ہے۔
تفصیلات کے مطابق اسلام آبادہائی کورٹ نے ٹریکٹر ریفرنس میں سابق صدر آصف زرداری کیخلاف نیب اپیلیں سماعت کے لیے مقرر کردیں۔
اسلام آبادہائی کورٹ کا 2 رکنی بینچ پیر کو اپیلوں پر سماعت کرے گا، چیف جسٹس اطہرمن اللہ اور جسٹس عامر فاروق بینچ میں شامل ہیں۔
نیب نے ریفرنسز میں آصف زرداری کی بریت کو چیلنج کر رکھا ہے ، ریفرنس میں آصف علی زرداری پر 10 ملین ڈالر کی رشوت کا الزام تھا۔
احتساب عدالت نے آصف زرداری کو دونوں مقدمات میں بری کیا تھا ، جس پر نیب نے آصف زرداری کی بریت کو چیلنج کیا۔
یاد رہے دو روز قبل احتساب عدالت نے 8ارب کی مشکوک ٹرانزیکشن کے ریفرنس میں آصف علی زرداری پر ویڈیو لنک کے ذریعے فرد جرم عائد کرنے کی استدعا مسترد کرتے ہوئے 14 اکتوبر کی تاریخ مقرر کردی تھی۔