کراچی : محکمہ موسمیات نے کراچی والوں کو خبردار کیا ہے کہ آج درجہ حرارت 41 ڈگری سینٹی گریڈ تک جانے کا امکان ہے، نئے اسپیل کا دورانیہ 3روز پر مشتمل ہے۔
تفصیلات کے مطابق کراچی کو ایک مرتبہ پھرگرمی کی شدید لہر کا سامنا ہے، محکمہ موسمیات کی جانب سے کہا گیا ہے کہ آج شہر میں سمندری ہوائیں بندرہیں گی اور درجہ حرارت زیادہ سے زیادہ 41 تک پہنچنے کا امکان ہے۔
چیف میٹرولوجسٹ سردار سرفراز کا کہنا ہے کہ گرمی کے آج سے شروع اسپیل کومنی ہیٹ ویوو کہہ سکتے ہیں ، نئے اسپیل کا دورانیہ 3روز پر مشتمل ہے۔
سردار سرفراز نے بتایا کہ شہر میں 3روز کے بعد موسم بہتر ہونے کی توقع ہے تاہم 9 اپریل کے بعد درجہ حرارت بڑھنے کا امکان ہے۔
شہر کا موجودہ درجہ حرارت 34 ڈگری سینٹی گریڈ اور ہوا میں نمی کا تناسب 13فیصد ہے جبکہ شمال مغرب سےچلنےوالی ہواکی رفتار 10 کلو میٹر فی گھنٹہ ریکارڈ کی گئی۔
دوسری جانب کراچی میں سمندری ہوابند ہوتے ہی فضائی آلودگی میں اضافہ ہوگیا اور کراچی دنیا کے آلودہ ترین شہروں میں چوتھے نمبر پر آگیا، ایئرکوالٹی انڈیکس کے مطابق شہر میں فضائی آلودگی 166 ریکارڈ کی گئی۔