وزیر ریلوے خواجہ سعد رفیق نے ملک کی موجودہ سیاسی صورتحال پر تبصرہ کرتے ہوئے کہا ہے 10 ماہ بعد عام انتخابات یا پھر 10 برس انتظار۔
وزیر ریلوے خواجہ سعد رفیق نے سماجی رابطوں کی ویب سائٹ ٹوئٹر پر اپنے ٹوئٹ میں کہا کہ گھیراؤ جلاؤ لڑائی بھڑائی بے شک ریاست کو خطرات میں ڈال دینگے، ریاست کو چلنے دیں ،جمہوریت رہی تو مواقع بہت ہوں گے، سیاستدان فیصلہ کرلیں کہ 10 ماہ بعد عام انتخابات یا اس کے لیے پھر 10 برس کا انتظار کریں گے۔
وزیر ریلوےکا کہنا تھا کہ ماورائے آئین اقدامات و حادثات سے بچا جائے، ضد، انا اور خوف کے بت توڑ ڈالیں، غیر متنازع آزادانہ اور شفاف انتخابات، چارٹر آف اکانومی اور نیا میثاق جمہوریت ہی واحد راستہ ہیں۔