لاہور کی سیشن کورٹ نے مسجد نبوی واقعہ پر سابق وزیراعظم عمران خان، شیخ رشید، فواد چودھری سمیت دیگر کے خلاف اندراج مقدمہ کی درخواست پر وکلاء کو دلاٸل کے لیے طلب کرلیا۔
ایڈیشنل سیشن جج غلام حسین نے کیس پر سماعت کی ایس پی اقبال ٹاؤن نے عدالت میں رپورٹ جمع کرائی جس میں کہا گیا کہ اس وقوعہ کی تھانہ مدینہ ٹاؤن ضلع فیصل آباد میں ایف ائی ار درج ھو چکی ہے لہٰذا اس درخواست کو داخل دفتر کیا جائے۔
درخواست گزار شیخ مظفر کی جانب سے مؤقف اختیار کیا گیا کے کہ شہباز شریف اور ان کی کابینہ کے ارکان کیخلاف ایک سوچے سمجھے منصوبے کے تحت مسجد نبوی میں نعرے بازی کرائی گئی۔
ان اس عمل سے مسجد نبوی کی بے حرمتی ہوئی جس سےعالم اسلام میں پاکستان کی بدنامی ہوٸی، پولیس کو درخواست دینے کے باوجود مقدمہ درج نہ کیا گیا عدالت مقدمہ درج کرنے کا حکم دے۔
عدالت نے سماعت11 مئی تک ملتوی کرتے ہوئے پولیس رپورٹ پر وکلاء کو دلائل کے لیے طلب کرلیا بعد ازاں عدالت کی کارروائی ملتوی کردی گئی۔