اسلام آباد: پاکستان بھر میں پی ٹی سی ایل کی انٹرنیٹ اور لینڈ لائن سروس متاثر ہیں ، جس سے صارفین پریشان ہوگئے۔
تفصیلات کے مطابق پی ٹی سی ایل کے فائبر نیٹ ورک میں فنی خرابی کے باعث ملک بھر میں انٹرنیٹ اور لینڈ لائن سروس متاثر ہوئی۔
جس کے بعد پی ٹی سی ایل ، اسٹارم فائبر سمیت دیگر کمپنیوں کے نیٹ ورک بیٹھ گئے، انٹرنیٹ سروس متاثر ہونے سے بینکنگ سسٹم شدید متاثرا ہوا۔
پنجاب بھر میں پی ٹی سی ایل سروس بری طرح متاثر ہے ،جس کی وجہ سے صارفین کو مشکلات کا سامنا ہے۔
پی ٹی سی ایل نے اپنے آفیشل ٹویٹر پر بیان میں کہا ہے کہ بارشوں وسیلاب سے شمالی اور وسطی حصوں میں پی ٹی سی ایل آپٹیکل فائبرنیٹ ورک میں فنی خرابی ہوئی، جس کی وجہ سےصارفین کوانٹرنیٹ کی فراہمی میں تعطل کا سامنا ہے۔
پی ٹی سی ایل کا کہنا تھا کہ ب معاملے کی تحقیقات کی جارہی ہے اور ٹیمیں انٹرنیٹ سروس کوترجیحی بنیادوں پر بحال کرنے کیلئے مصروف ہیں۔
پی ٹی اے نے کہا تھا کہ صورتحال کو مانیٹر کر رہے ہیں، ملک کے مختلف علاقوں میں انٹرنیٹ سروس بحال ہونا شروع ہوگئی ہے۔