سربراہ استحکام پاکستان پارٹی جہانگیر ترین نے جڑانوالہ میں دیگر سیاسی رہنماؤں کے ہمراہ متاثرہ گھروں اور چرچز کا دورہ کیا ہے۔
جہانگیرترین کا کہنا تھا کہ جڑانوالہ حادثے کا بہت افسوس ہوا، جڑانوالہ متاثرین کےلیے فلاحی سینٹر بنناچاہیے، جہانگیرترین نے سانحہ جڑانوالہ کے متاثرین سے ملاقات بھی کی۔
سربراہ استحکام پاکستان پارٹی کا کہنا تھا کہ پنجاب اور وفاقی حکومت نے متاثرین کےلیے بہترین اقدامات کئے، استحکام پارٹی کی طرف سے متاثرین سے ملنے آئے ہیں، ایک کروڑروپےکمیونٹی ویلفیئر کےلئے دے رہے ہیں۔
سربراہ استحکام پاکستان پارٹی جہانگیرترین کا مزید کہنا تھا کہ پاکستان میں مسیحی اورمسلم پیار محبت کے ساتھ اکٹھے رہ رہے ہیں۔