اسلام آباد : وفاقی وزیر اطلاعات مریم اورنگزیب نے لانگ مارچ کی تاریخ کے اعلان سے پہلے عمران خان کو سوالات کا جواب دینے کا چیلنج دے دیا۔
تفصیلات کے مطابق وفاقی وزیر اطلاعات مریم اورنگزیب لانگ مارچ سے پہلے پی ٹی آئی چیئرمین عمران خان کو سوالات کا جواب دینے کا چیلنج دے دیا۔
وفاقی وزیراطلاعات نے سوال کیا کہ فارن ایجنٹ اسلام آباد کرنے کیا آ رہا ہے؟ سیلاب متاثرین کی مدد کرنے کے بجائے لانگ مارچ کی تیاری ہے۔
مریم اورنگزیب نے پوچھا کہ 20 ہزار ارب کا تاریخی قرض لینے والا اسلام آباد کیا کرنے آرہا ہے؟ معیشت کو دیوالیہ کرنے کی سازش کرنے والا اسلام آباد کیا کرنے آ رہا ہے؟
ان کا مزید کہنا تھا کہ 95 لاکھ بے روزگاراور 2 کروڑ لوگوں کوغربت کے جہنم میں دھکادیا، ان سوالوں کا جواب دیں پھرعمران خان لانگ مارچ کا اعلان کریں۔