کراچی : سندھ ہائی کورٹ نے کے ڈی اے کو افسر اسپورٹس کمپلیکس فوری ختم کرنے اور کمپلیکس عوام الناس کے لیے کھولنے کا حکم دے دیا۔
تفصیلات کے مطابق سندھ ہائی کورٹ میں کھیل کے میدان پر کے ڈی اے آفسراسپورٹس کمپلیکس بنانے سے متعلق کیس کی سماعت ہوئی ۔
عدالت نے استفسار کیا کھیل کے میدان پر ذاتی اسپورٹس کمپلیکس کیسے بنایاجاسکتاہے؟ جس پر وکیل سیدشیراز نے بتایا ایس ٹی 25بلاک 14 گلستان جوہر پر کھیل کا میدان تھا، کھیل کے میدان پر کے ڈی اے نے افسر اسپورٹس کمپلیکس بنالیا۔
درخواست میں کہا گیا کہ اس سے قبل سپریم کورٹ ہدایت پرکمرشل سرگرمیاں ختم کی گئیں، استدعا ہے کھیل کے میدان کو عوام الناس کے لیے کھولاجائے۔
سندھ ہائی کورٹ نے کےڈی اے کو افسر اسپورٹس کمپلیکس فوری ختم کرنے اور کمپلیکس عوام الناس کے لیے کھولنے کا حکم دے دیا، عدالت نے ریمارکس دیئے کہ پارک کو صرف پارک مقاصدکے لیے استعمال کیاجائے۔
سندھ ہائی کورٹ نے ڈی جی ایس بی سی اے، ایڈووکیٹ جنرل اور ڈی جی کے ڈی اے کو نوٹس جاری کردیا۔