کراچی: پاکستان کی معروف کرکٹ لیگ کی تیاریاں آخری مراحل میں داخل ہوگئیں، پی ایس ایل سیزن 7 کا کاؤنٹ ڈاؤن نصب کردیا گیا ہے۔
تفصیلات کے مطابق نیشنل اسٹیڈیم کےداخلی راستے پرکاؤنٹ ڈاؤن کلاک نصب کردیا گیا ہے، میگا ایونٹ کا کاؤنٹ ڈاؤن کلاک آج سے اسٹارٹ کردی اجائے گا۔
ادھر لاہور کے قذافی اسٹیڈیم کے باہر کرکٹرز کی بڑے کٹ آؤٹ سجا دئیے گئے ہیں، کٹ آؤٹ میں 6فرنچائز کےاسٹارکھلاڑیوں کی تصاویر ہیں جبکہ پاکستان سپر لیگ کی طویل القامت ٹرافی بھی لگائی گئی ہے۔
واضح رہے کہ پاکستان سپر لیگ سیزن 7کامیلہ 27جنوری سےکراچی میں سجےگا، کراچی کنگز اور دفاعی چیمپئن ملتان سلطانز ابتدائی میچ میں آمنے سامنے ہونگی۔
ٹورنامنٹ کے 15 میچ کراچی اور 19 میچ لاہور میں کھیلے جائیں گے، ایونٹ کا فائنل 27 فروری کو کھیلا جائے گا، کوالیفائر 23 فروری پہلا اور دوسرا ایلیمنیٹر بالترتیب 24 اور 25 فروری کو کھیلا جائے گا۔