قومی ٹیم کے آل راؤنڈر شعیب ملک کی اہلیہ ثانیہ مرزا کی دلچسپ ویڈیو سوشل میڈیا پر وائرل ہوگئی۔
بھارت کی سابق ٹینس اسٹار ثانیہ مرزا نے بھارت کے یوم آزادی پر ایک ویڈیو شیئر کی ہے جس میں ایک خاتون کہیں ثانیہ کی نظر اتارتے تو کہیں ان کی بلائیں لیتے ہوئے نظر آرہی ہیں۔
بعد ازاں ویڈیو میں ثانیہ کو ہاتھ سے بریانی کھاتے بھی دیکھا جا سکتا ہے۔
ویڈیو کے کیپشن میں ثانیہ نے لکھا کہ ’کچھ چیزیں صرف ہم بھارتی ہی سمجھ سکتے ہیں‘۔
ویڈیو میں ثانیہ نے بھارت کی یوم آزادی کے 75 سال کا ہیش ٹیگ بھی استعمال کیا، ثانیہ کی ویڈیو وائرل ہو چکی ہے جسے کئی ہزار صارفین دیکھ چکے ہیں اور اس پر دلچسپ تبصرے بھی کر رہے ہیں۔
واضح رہے کہ ثانیہ مرزا سوشل میڈیا پر کافی متحرک رہتی ہیں اور اکثر اپنی دلچسپ ویڈیو شیئر کرتی رہتی ہیں جسے ان کے مداحوں کی جانب سے بھی سراہا جاتا ہے۔
گزشتہ دنوں انہوں نے دلچسپ ویدیو شیئر کی تھی جو وائرل ہوگئی تھی۔