گنیز ورلڈ ریکارڈ میں پاکستان کا نام روشن کرنے والے مکس ماشل آرٹس راشد نسیم نے ایک اور اعزاز اپنے نام کرلیا۔
تفصیلات کے مطابق پاکستان کے راشد نسیم نن چکو کیٹیگری میں سب سے زیادہ ریکارڈ بنانے والےکھلاڑی بن گئے، انہوں نے انگلینڈ کےچراغ لوکھا کو شکست دی، چراغ لوکھا نے ایک منٹ میں اناسی مرتبہ ٹرائی اینگل اسٹیپ کیا تھا۔
راشد نے یہ اسٹیپ اٹھاسی بار کرکے برتری حاصل کی، اسی کے ساتھ ہی انہوں نے مجموعی طورپر اٹھہترواں ریکارڈ اپنے نام کیا، گنیز ورلڈ ریکارڈ نےای میل کےذریعے تصدیق کردی ہے۔
راشد کے پاس نن چکو کے تمام زمروں میں سب سے زیادہ گینز ورلڈ ریکارڈز کا ریکارڈ ہے، یہ ان کا 13واں ریکارڈ ہے۔
نئے ریکارڈز کے بعد راشد نسیم کے انفرادی78 جبکہ ان کی اکیڈمی کی جانب سے 97ریکارڈز ہوچکے ہیں، وہ 100 ورلڈر یکارڈ مکمل کرنے کا خواہش رکھتے ہیں۔
یاد رہے کہ راشد نسیم پاکستان کے مشہور مارشل آرٹس ماسٹر ہیں اور پاکستان کے نام پر گنیز بک آف ورلڈ ریکارڈ میں متعدد ریکارڈز درج کراچکے ہیں، وہ بھارت کے پندرہ سے زائد ریکار ڈ توڑنے کا سہرا بھی ان ہی کے سر ہے۔