لاہور: ویسٹ انڈیز کے دورہ پاکستان کے دوران ٹی ٹوئنٹی سیریز کے لیے قومی ٹیم 10 دسمبر سے ٹریننگ کا آغاز کرے گی۔
تفصیلات کے مطابق پاکستان ٹی ٹونٹی اسکواڈ میں شامل کھلاڑی 7 دسمبر کو کراچی میں بائیو سیکور ببل میں رپورٹ کریں گے اور پاکستان میں موجود کھلاڑی تین روز تک آئیسولیشن میں رہیں گے۔
کھلاڑیوں میں شاداب خان ، آصف علی ، حارث رؤف فخر زمان، حیدر علی، افتخار احمد، خوشدل شاہ، محمد حسنین ، محمد نواز، عثمان قادر، شاہنواز دھانی، محمد وسیم جونیئر شامل ہیں جبکہ کپتان بابراعظم، محمد رضوان اور شاہین آفریدی بنگلہ دیش سے کراچی پہنچیں گے۔
قومی کرکٹ ٹیم دس دسمبر سے ٹریننگ کا آغاز کرے گی جبکہ پاکستان اور ویسٹ انڈیز کے درمیان پہلا ٹی ٹونٹی میچ 13 دسمبر کو کراچی میں کھیلا جائے گا۔
واضح رہے کہ ویسٹ انڈیز کی کرکٹ ٹیم نو دسمبر کو پاکستان پہنچے گی جبکہ ویسٹ انڈیز کے دورے پاکستان کے دوران 3 ٹوئنٹی اور 3 ون ڈے میچز پر مشتمل سیریز کھیلی جائے گی۔
یہ بھی پڑھیں : قومی ویمن کرکٹ ٹیم قرنطینہ میں چلی گئی
دوسری جانب دورہ پاکستان کے لیے ویسٹ انڈیز نے اسکواڈ کا اعلان کیا ہے جس میں کیرن پولارڈ کو ون ڈے اور ٹی ٹوئنٹی سیریز کا کپتان مقرر کیا گیا ہے جبکہ شائے ہوپ ون کو ون ڈے اور نیوکلس پورن کو ٹی ٹوئنٹی اسکواڈ کا نائب کپتان مقرر کیا ہے۔
علاوہ ازیں ویسٹ انڈیز کے ون ڈے اسکواڈ میں کپتان کیرون پولارڈ، نائب کپتان شائے ہوپ ، نکولس پورن، ڈیرن براوو،عقیل حسین، الزاری جوزف، گوداکیش موتی، اینڈرسن فلپس، شامار بروکس، روسٹن چیز، جسٹن گریوز ریمن رائیفر، روماریو شیفرڈ ، اوڈین اسمتھ اور ہیڈن والش شامل ہیں۔
ٹی ٹونٹی اسکواڈ میں کپتان کیرن پولارڈ، نائب کپتان نیکولس پورن، ڈیرن براوو، روسٹن چیز، شائے ہوپ، شیلڈن کوٹریل، ڈومنک ڈریکس، برینڈن کنگ، عقیل حسین، کائیل میئرز، گوداکیش، روماریو شیفرڈ، اوڈین اسمتھ، اوشین تھامس اور ہیڈن والش کو شامل کیا گیا ہے۔