دبئی: آئی سی سی نے ٹی ٹوئنٹی ورلڈ کپ کے گروپس کا اعلان کردیا ہے، کیا روایتی حریف پاکستان اور بھارت ایک ہی گروپ میں موجود ہیں؟
انٹرنیشنل کرکٹ کونسل کی جانب سے جاری پریس ریلیز کے مطابق ٹی 20 ورلڈ کپ کے لئے گروپس کا اعلان کردیا گیا ہے، ٹیموں کو گروپ اے اور بی میں تشکیل دیا گیا ہے۔
پاکستان گروپ ٹو میں شامل ہے، گروپ میں پاکستان کا روایتی حریف بھارت بھی شامل ہے، اس کے علاوہ نیوزی لینڈ ، افغانستان سمیت کوالیفائی راؤنڈ کی دو ٹیمیں بھی اس کا حصہ ہیں۔
اسی طرح گروپ ون میں انگلینڈ ،آسٹریلیا، جنوبی افریقہ ،ویسٹ انڈیز سمیت دو کوالیفائی ٹیمیں شامل ہیں۔
واضح رہے کہ ٹی ٹوئنٹی ورلڈ کپ کا آغاز رواں برس سترہ اکتوبر سے متحدہ عرب امارات میں ہوگا، ٹورنامنٹ کا فائنل 14 نومبر کو ہوگا۔