نائلہ کیانی چین کی ’ چوا ویو ‘ چوٹی کو سر کرنے والی پاکستان کی پہلی خاتون کوہ پیما بن گئی ہیں۔
پاکستانی کوہ پیما نائلہ کیانی نے چائنہ میں واقع دنیا کی 8 ہزار 188 میٹر بلند ترین چوٹی ’چواویو ‘کو سر کیا جس کے بعد انہوں نے 8 ہزار میٹر سے زائد 10 چوٹیاں سر کرنے والی واحد پاکستانی خاتون کوہ پیما کا اعزاز بھی حاصل کر لیا ہے۔
نائلہ کیانی نے بارڈ فاؤنڈیشن کے تعاون سے یہ کارنامہ سرانجام دیا ہے۔
پاکستانی کوہ پیما نے گزشہ ماہ چین میں واقع 8 ہزار میٹر دو چوٹیوں کو سر کرنے کا اجازت نامہ حاصل کیا تھا۔
نائلہ کیانی دبئی میں مقیم پاکستانی کوہ پیما اور مہم جو ہیں اور دنیا کی 14 بلند ترین چوٹیوں کو سر کرنے کے ان کے مشن نے انہیں پہچان دی ہے۔