مسقط: ٹی ٹوینٹی ورلڈ کپ کے تیسرے میچ میں آئرلینڈ کے بولر کرٹس کیمفر نے تاریخ رقم کردی۔
تفصیلات کے مطابق ٹی ٹوینٹی ورلڈ کپ کے تیسرے میچ میں آئرلینڈ کے فاسٹ بولر کرٹس کیمفر نے نیدرلینڈز کے خلاف 4 گیندوں پر 4 وکٹیں حاصل کیں۔
کرٹس کیمفر نے چار گیندوں پر چار وکٹیں لے کر نیدرلینڈز کی بیٹنگ لائن کی کمر توڑ دی۔
آئرلینڈ کے فاسٹ بولر کرٹس کیمفر ورلڈ کپ میں 4 گیندوں پر چار وکٹیں لینے والے پہلے بولر بن گئے ہیں۔
واضح رہے کہ آئرس بولر کی تباہ کولنگ بولنگ کی بدولت نیدرلینڈز کی ٹیم 106 رنز پر ڈھیر ہوگئی اور آئرلینڈ کو جیت کے لیے 107 رنز کا ہدف دیا۔
یہ بھی پڑھیں : ٹی20 ورلڈکپ : نیدرلینڈ کا ٹاس جیت کر بیٹنگ کا فیصلہ
آئرلیںڈ کی 107 رنز کے تعاقب میں بیٹنگ جاری ہے، آئرش ٹیم نے 8 اوورز میں 2 وکٹوں کے نقصان پر 50 رنز بنالیے ہیں۔
یاد رہے کہ گزشتہ روز کھیلے جانے والے پہلے میچ میں عمان نے پاپوانیوگنی کو 10 وکٹوں سے شکست دی تھی جبکہ دوسرے میچ میں حیران کن طور پر اسکاٹ لینڈ نے بنگلہ دیش کو 6 رنز سے زیر کیا تھا۔