روس کے یوکرین پر حملے کے بعد بین الاقوامی کرنسیوں کی قدر میں کافی اتار چڑھاؤ آیا ہے۔
غیر ملکی خبر ایجنسی کے مطابق روس کے یوکرین پر حملے کے بعد امریکی ڈالر کے مقابلے میں بڑی صنعتی ممالک کی کرنسی کی قدر میں اضافہ دیکھا گیا ہے۔
بین الاقوامی مارکیٹ میں ڈالر کے مقابلے میں جاپانی ین کی قدر تاریخ کی بلند ترین سطح پر جاپہنچی ہے۔
اس کے علاوہ سوئس فرانک کی قدر 5 سال کی بلند ترین سطح پر آگئی ہے۔
امریکی ڈالر کی قدر میں ایک روز کے دوران روس کی کرنسی روبل کے مقابلے میں 6 فیصد اضافہ دیکھا گیا ہے۔
اسی طرح عالمی مارکیٹ میں سونے کی قیمت بھی جنوری 2021 کے بعد بلند ترین سطح پر پہنچ گئی ہے۔
واضح رہے کہ بین الاقوامی اسٹاک مارکیٹوں پر بھی روس یوکرین تنازع کا انتہائی منفی اثر پڑا ہے۔
ہانگ کانگ، سڈنی، سنگاپور اور ویلنگٹن کی اسٹاک مارکیٹس میں اوسطاً 3 فیصد تک گراوٹ دیکھی گئی ہے۔ اس کے علاوہ ٹوکیو، شنگھائی، جکارتہ اور بینگ کاک کے شیئر بازار بھی اس مندی سے نہیں بچ پائے۔
پاکستان اسٹاک ایکسچینگ میں بھی 1100 پوائنٓٹس سے زائد کی کمی ہوئی ہے۔