اسلام آباد یونائیٹڈ کے کپتان شاداب خان کو مکمل فٹ قرار دے دیا گیا۔
تفصیلات کے مطابق اسلام آباد یونائیٹڈ کے کپتان شاداب خان پاکستان سپر لیگ (پی ایس ایل) کے ساتویں سیزن ایلیمینیٹر 1 سے قبل فٹ قرار دے دیے گئے ہیں۔
23 سالہ آل راؤنڈر آج رات قذافی اسٹیڈیم میں پشاور زلمی کے خلاف ٹیم کی قیادت کریں گے۔وہ گروئن انجری کی وجہ سے لیگ کے آخری تین میچز نہیں کھیل سکے تھے۔
یہ بھی پرھیں : پی ایس ایل سیون کی پہلی فائنلسٹ ٹیم کون ؟ فیصلہ آج ہوگا
دوسری جانب فاسٹ بولر حسن علی کی اسکین رپورٹس کلیئر ہیں تاہم ان کی شرکت کا فیصلہ میچ سے قبل فٹنس ٹیسٹ کی بنیاد پر کیا جائے گا۔ فہیم اشرف بھی فٹنس سے گزریں گے۔
نیوزی لینڈ کے کولن منرو بھی اب بیٹنگ کرتے ہوئے زیادہ تکلیف محسوس نہیں کر رہے ہیں۔ انہیں میچ میں شامل کرنے کا فیصلہ بھی میچ سے قبل ہی کیا جائے گا۔