اسلام آباد: ملک میں مہنگائی کا طوفان نہ تھم سکا اور اس کی شرح 30 اعشاریہ 66 فیصد کی ریکارڈ سطح پر پہنچ گئی۔
ادارہ شماریات نے ہفتہ وار مہنگائی کے اعداد و شمار جاری کر دیے جن کے مطابق ایک ہفتے میں 24 اشیا کی قیمتوں میں اضافہ ریکارڈ کیا گیا۔
اعداد و شمار کے مطابق پیاز 16 روپے 54 پیسے، لہسن 1 روپے 7 پیسے، انڈے 5 روپے 51پیسے، باسمتی چاول 2 روپے 86 پیسے، ایل پی جی کا گھریلو سلنڈر 60 روپے 77 پیسے مہنگا ہوا۔
اسی طرح چینی ایک روپے 9 پیسے فی کلو ، 20 کلو آٹے کا تھیلا 12 روپے 83 پیسے، دال مونگ ایک روپے 92 پیسے، دال ماش ایک روپے 13 پیسے، تازہ دودھ، دہی، چائے گڑ بھی مہنگا ہوا۔
ایک ہفتے میں 8 اشیا کی قیمتوں میں کمی واقع ہوئی۔ ٹماٹر 43 روپے 4 پیسے فی کلو، برائلر مرغی 10 روپے 9 پیسے، آلو 2 روپے 81 پیسے فی کلو، اڑھائی کلو خوردنی گھی 4 روپے 34 پیسے سستا ہوا۔
اعداد و شمار کے مطابق 19 اشیائے ضروریہ کی قیمتوں میں استحکام رہا۔