آپ کیا سمجھتے ہیں کہ اسمارٹ فون پر سب سے زیادہ کونسی شے استعمال ہورہی ہے۔
مسیجنگ نہیں، واٹس ایپ نہیں، اور تصاویر بھی نہیں بلکہ پوری دنیا میں اسمارٹ فون سے انٹرنیٹ پر ویڈیو اسٹریمنگ کا سب سے بڑا حصہ ہے۔ اب آپ جان سکیں گے کہ آخر ہر کمپنی ویڈیو اسٹریمنگ پر زور کیوں دے رہی ہے؟
دوہزار کے پورے عشرے میں فون سادہ تھے تو اس وقت ایس ایم ایس کا رحجان پوری دنیا پر حاوی تھا۔ اس کے بعد ویب سرفنگ اور اب یوٹیوب اور دیگر ویڈیو اسٹریمنگ کا دور شروع ہوا ہے۔
دوسری وجہ یہ ہے کہ لوگ اخبار نہیں پڑھ رہے، کتابوں کا رحجان کم ہوگیا ہے اور وبا کے دنوں میں لوگوں نے ایئرمیٹ، ہووا اور زوم سے اسباق پڑھے، اسی پر دوستوں کی خبر لی اور اسی ویڈیو اسٹریمنگ سے رابطہ کیا۔
پھر یوٹیوب کا استعمال بڑھا جو اب دنیا کا سب سے بڑا آن لائن ٹی وی چینل بن چکا ہے۔ یہی وجہ ہے کہ اسمارٹ فون کا 49 فیصد استعمال ویڈیو دیکھنے یا ویڈیو اسٹریمنگ کے لیے ہورہا ہے۔ اسی کو دیکھتے ہوئے ہوئے یوٹیوب نے بھی پریمیئر کے آپشن پیش کئے جو اب عام ہوچکےہیں۔
دوسرے نمبر پر سوشل میڈیا رہا جس کا حصہ 19 فیصد ہے، ویب سائٹ پر جاکر پڑھنا اور معلومات میں اضافے کا حصہ بہت ہی کم رہا یعنی صرف 13 فیصد ہے۔ مسیجنگ کی شرح چار فیصد اور گیمنگ 4 فیصد تک ہی رہی۔
اسی تناظر میں ہم دیکھ سکتے ہیں کہ فی سیکنڈ یوٹیوب کے ہزاروں نئے چینل بن رہے ہیں اور وہی چینل سوشل میڈیا پر بھی حاوی ہیں۔