کراچی : گورنرسندھ عمران اسماعیل کا کہنا ہے کہ گرین لائن کی 40بسیں کراچی آرہی ہیں، اگست کے وسط میں جہاز چین کے تیانجن پورٹ سے روانہ ہوں گے۔
تفصیلات کے مطابق گورنرسندھ عمران اسماعیل نے سماجی رابطے کی ویب سائٹ ٹوئٹر پر اپنے پیغام میں کہا ہے کہ گرین لائن کی بسیں پورٹ پر آنا شروع ہوگئی ، دو جہاز میں 40بسیں کراچی آرہی ہیں، اگست کےوسط میں جہازچین کےتیانجن پورٹ سےروانہ ہوں گے ، امید ہے بسیں ایک ہفتے کے اندر ان لوڈ ہوکر انشااللہ جلد کراچی پہنچ جائیں گی۔
یاد رہے رواں سال اپریل میں گورنرسندھ عمران اسماعیل نے شہرقائد کے شہریوں کو خوش خبری سناتے ہوئے کہا تھا کہ گرین بس رواں سال چلا دیں گے، ٹینڈر ہوچکے ہیں۔
یہ بھی پڑھیں : الیکٹرانک ووٹنگ مشین انتخابات میں شفافیت کا بہترین ذریعہ ہے
انہوں نے کہا تھا کہ گرین لائن بس سندھ کا پہلا ٹرانزٹ سسٹم ہوگا، کراچی کو نئی بسز اور ٹرانسپورٹ کی بے انتہاضرورت ہے۔
خیال رہے گذشتہ سال وفاقی حکومت میں گرین لائن میٹرو بس منصوبے کے لیے 80 بسوں کی خریداری کا انٹرنیشنل ٹینڈر جاری کیا تھا ، جس کے بعد ملک کے سب سے بڑے شہر کراچی میں میٹرو بس چلنے کی امید نظر آنے لگی تھی۔