اسلام آباد: ملک میں فرنٹ لائن ہیلتھ ورکرز پر کورونا کے حملوں میں تیزی آگئی، 24 گھنٹوں کے دوران 20 ہیلتھ کیئر ورکرز میں کورونا کی تصدیق ہوئی۔
ذرایع کے مطابق 24 گھنٹے میں 8 ڈاکٹرز، 3 نرس اور 9 ہیلتھ ورکرز میں کورونا رپورٹ ہوا، ملک میں کوروناسے متاثرہ ہیلتھ ورکرز کی تعداد 16995 ہوگئی۔ 10177ڈاکٹرز، 2409نرسز اور 4409ہیلتھ اسٹاف کوروناپازیٹو ہیں۔ ملک میں اب تک 166 ہیلتھ ورکرز کوروناسے جاں بحق ہوچکے ہیں۔
‘419ہیلتھ ورکرز گھر اور 30اسپتالوں میں زیرعلاج ہیں، ملک میں 16380 ہیلتھ ورکرز کوروناسے صحتیاب ہوئے، کوروناسے متاثرہ اور جاں بحق بیشتر ہیلتھ ورکرز کا تعلق سندھ سے ہے’۔
اسی ضمن میں ذرایع نے مزید بتایا کہ سندھ میں 5976 ہیلتھ ورکرز پازیٹو اور 58 جاں بحق ہوئے۔ پنجاب میں 3489 ہیلتھ ورکرز کا کورونامثبت آیا اور 29 کی اموات ہوئیں۔ پختونخوا میں 4010 ہیلتھ ورکرز کورونا پازیٹو ہوئے اور 44 جان سے گئے۔ اسلام آباد میں 1560 ہیلتھ ورکرز پازیٹو، 14 جاں بحق ہو چکے ہیں۔
ذرایع کا کہنا ہے کہ گلگت بلتستان 295 ہیلتھ ورکرز کورونا کا شکار ہوئے جبکہ 3جاں بحق ہو چکے ہیں۔ بلوچستان میں 855 ہیلتھ ورکرز پازیٹو آئے اور 9 کی موت واقع ہوئی۔ اسی طرح آزادکشمیر میں بھی 810 ہیلتھ ورکرز کورونا کا شکار ہوچکے ہیں جن میں سے 9 جاں بحق ہوئے۔