مسلم لیگ ن کی نائب صدر مریم نواز نے حکومت کو مشورہ دیا ہے کہ وہ سخت مؤقف اختیار کرے اور ڈٹ جائے۔
ٹوئٹر پر ایک بیان میں مریم نواز کا کہنا تھا کہ حکومت مشکل صورت حال سے نمٹنے کے لیے اقدامات کرے یااسٹیٹس کو کا شکار بنے ، حکومت کو سخت مؤقف اختیار کرنا چاہیے اور ڈٹ جانا چاہیے۔
نائب صدر مسلم لیگ ن کا کہنا تھا کہ لیڈر ان حالات سے بنتے ہیں جن کا وہ سامنا کرتے ہیں۔
عمران خان نے پارٹی رہنماؤں کا اجلاس طلب کرلیا
خیال رہے کہ سپریم کورٹ نے ڈپٹی اسپیکر رولنگ کیس پر سماعت مکمل کرکے فیصلہ محفوظ کرلیا ہے جو کہ تھوڑی دیر میں سنایا جائےگا۔
گزشتہ روز سپریم کورٹ نے فل کورٹ بنانےکی درخواست مستردکردی تھی جس کے بعد حکمران اتحاد نے عدالتی کارروائی کے بائیکاٹ کا اعلان کیا تھا۔