لاہور : مسلم لیگ ن کی نائب صدر نے مریم نواز نے عمران خان کو پاکستان کا سب سے بڑے فتنہ قرار دیتے ہوئے کہا جتنی جلد اس فتنے کو اس کے مقام تک پہنچادیں اتنا ہی عوام کا فائدہ ہے۔
تفصیلات کے مطابق مسلم لیگ ن کی نائب صدر مریم نواز نے حمزہ شہباز کی حلف برداری کی تقریب میں میڈیا سے گفتگو کرتے ہوئے کہا کہ جتنے چیلنج ہیں اتنا ہی بڑا ارادہ ہے، نیب ہے، چیلنجز سے پاکستان کےعوام کو ریلیف دیں۔
مریم نواز کا کہنا تھا کہ پنجاب کےعوام آج گھر واپس آگئے ہیں، اب عوام کو صوبے میں فرق نظرآئے گا۔
ن لیگی رہنما نے کہا کہ سیاسی دشمنی میں یہ لوگ حد سے آگے بڑھ گئے، پوری دنیا میں مسلمانوں کےجذبات مجروح ہوئے، یہاں کی طرح وہاں بھی غنڈہ گردی کی کوشش کی گئی ، جو کچھ بھی ہوا وہ پلان طریقے سے ہوا۔
مریم نواز نے سیاسی مخالفین پر لفظی گولہ باری کرتے ہوئے کہا کہ عمران خان پاکستان کے سب سے بڑے فتنے کا نام ہے، جتنی جلداس فتنےکواس کےمقام تک پہنچا دیں اتنا ہی عوام کا فائدہ ہے۔
ان کا مزید کہنا تھا کہ پنجاب اسپیڈ اب پاکستان اسپیڈ بن رہی ہے، جیسے شہبازشریف کام کرتے ہیں وہ چیلنجز پر قابو پالیں گے۔