کراچی : اداکارہ و معروف ٹی وی میزبان نادیہ خان نے سوشل میڈیا پر ہتک آمیز تبصرے کے بعد رکن سندھ اسمبلی شرمیلا فاروقی کو 5 کروڑ ہرجانے کا قانونی نوٹس بھجوادیا۔
تفصیلات کے مطابق اداکارہ و معروف ٹی وی میزبان نادیہ خان نے بھی شرمیلا فاروقی کو5کروڑہرجانے کا قانونی نوٹس بھجوادیا، جس میں کہا گیا کہ سوشل میڈیا پر ہتک آمیزتبصروں پر قانونی نوٹس بھیجا جارہا ہے۔
نوٹس میں کہا کہ میری موکل کا شمار معروف شوبز شخصیات میں ہوتا ہے، آپ 18جنوری 2021سے میری موکل کو تضحیک کا نشانہ بنارہی ہیں، خود کو انسانی حقوق کی چیمپئن کہنے والی نادیہ خان کی مسلسل کردارکشی کررہی ہیں۔
قانونی نوٹس میں شرمیلا فاروقی سے کہا گیا کہ سوشل میڈیاپرآپ نےمیری موکلہ کیخلاف ہتک آمیزرویےکی کوشش کی، میرے موکل کوبدنام کرنے کے بیانات پرفوری معافی مانگیں اور آئندہ میری موکلہ کو بدنام نہ کرنے کی تحریری یقین دہانی کرائیں۔
یہ بھی پڑھیں : تکذیب نکاح کی اپیل مسترد، اداکار ہ میرا عتیق الرحمان کی بیوی قرار
نادیہ خان کی جناب سے کہا گیا ہے ساکھ کونقصان پہنچانےپر14روزمیں5کروڑکاجرمانہ ادا کیا جائے ، معافی مانگنے اور جرمانہ ادانہ کرنے پرقانونی کارروائی ہوگی۔
یاد رہے پیپلزپارٹی کی رہنما اور رکن سندھ اسمبلی شرمیلا فاروقی کا کہنا تھا کہ نادیہ خان نے والدہ کی ویڈیو شیئر کرکے ڈھٹائی دکھائی اور کہا کہ کچھ غلط نہیں ہے۔
اے آر وائی نیوز سے خصوصی گفتگو کرتے ہوئے پیپلزپارٹی رہنما شرمیلا فاروقی کا کہنا تھا کہ والدہ کی اجازت کے بغیر اداکارہ نادیہ خان نے ویڈیو سوشل میڈیا پر شیئر کی اور ان کے میک اپ اور ڈریسنگ کا مذاق بنایا۔
شرمیلا فاروقی کا کہنا تھا کہ میری والدہ پرائیویٹ پرسن ہیں ان کا سیاست اور شوبز سے کوئی تعلق نہیں ہے، نادیہ خان نے ان کی تضحیک آمیز ویڈیو بنائی۔